Hikayat Prang Sabi

Subhanallah wahdahu wabihamdihi

Khaliqul badri walaili azza wa jalla

Ulôn pujoe Poe sidroe Poe syukôr keu Rabbi ya Aini

Keu kamoe neubrie beusuci Aceh Mulia

Tajak prang musôh beuruntôh dum sitré Nabi

Yang meungki keu Rabbi keu Poe yang Esa

Meusoe hantém prang syiet malang ceulaka tubôh rugoe roh

Syuruga tan rôh dudoe roh balah nuraka

Meusoe yang tém prang syiet meunang meutuah tubôh

Syiruga yang rôh yang lusôh geubri keu gata

Lindông gata sigala yang mujahidin mursalin

jeut-jeut mukim iklim Aceh Sumatra

Yang meubahgia seujahtra syahid dalam prang

Allah pulang dum dayang budiadari

Hoka siwah sirawa syahid dalam prang dan meunang

Geupeurab rijang bak cutbang saleum lé jibri

Salam alaikôm alaikôm Teungku meutuwah

Katrôh neulangkah ya Allah neuwoe bak kamoe

Amanah Nabi ya Nabi hana neuubah neuubah

Syuruga indah ya Allah pahla prang sabi

Ureung binoe la binoe geumoe meukiam

Aneuk jak lam prang peutimang amanah Nabi

Meubek tataköt tasurôt aneuk seunapan bangsawan

Aneuk meuriam ya Allah ata yahudi

Ija putéh la putéh geusampôh darah

Ija mirah ya Allah geusampôh gaki

Rupa nan putéh la putéh sang sang buleun trang lam awan

Watee tapandang ya Allah seunang lam haté

Ureung syahid ya Allah bek takheun maté

Adak pih tan lé ya Allah nyawöng lam badan

Geucok disinan disinan pasoe u dalam u dalam

Geupeuduek sajan ya Allah ateuh kurusi

Darah yang hanyi la hanyi gadöh di badan

Geubôh lé Tuhan ya Allah minyeuk kasturi

Di kamoe Aceh la Aceh darah peujuang peujuang

Neubri beurijang ya Allah Aceh mulia